Kya hai Bit Torrent ise kaise chalaye??? jaane.

Kya aapne Torrent ke baare me suna hai ya kabhi iske baare me jaan ne ki kosish ki hai ? Is article me hum BitTorrent ke baare me seekhege.

BitTorrent Kya Hai?

BitTorrent ek peer-to-peer file sharing karne ka tarika hai. Torrent ke use se hum internet dwara apne mobile me files download kar sakte hai. Peer-to-peer ka matlab hai ki jab hum kisi torrent dwara koi bhi cheez download karte hai, wo direct server se aane ki bajaye un logo se ati hai jo us file ko download kar rahe hote hai, aur jab aap us file ko download kar rahe hote hai tab aapse bhi koi wo file download kar raha hota hai.

Torrent ka istimaal aksar badi files karne me aata hai. Is file transfer ke tarike se server par load kam rehta hai, aur kyoki sabhi log file aapas me bhej aur download kar rahe hote hai, ye jada effective tarika hai downloading ka.

BitTorrent Kaise Kaam karta hai?

Upar di gayi animation hume torrent ki working bata rahi hai. Colored dots har computer ke neeche hame files ke pieces dikha rahi hai. Jaise ki aap dekh sakte hai jaise hi koi ek computer server se ek file ka piece download karta hai, wo turant use share karna bhi shuru kar deta hai. Jisse ki server par load bilkul karm rehta hai.

Kya Torrent File Download Karna Legal Hai?

Ye baat uspar nirbhar karti hai ki aap kya download kar rahe hai. Agar aap koi aisa software ya files download kar rahe hai joki free available hai to koi problem nahi. Lekin agar aap kuch pirated ya copyrighted software ya movies download kar rahe hai to ye illegal ho sakta hai.

Torrent Download Kaise Kare?

Torrent download karne ke liye hamare pass pehle BitTorrent Client hona cahiye. BitTorrent client ek software hota hai jo torrent files ko download aur upload karta hai. Sabse best aur lightweight torrent client uTorrent hai.

>> uTorrent Download Kare. <<

uTorrent download karne ke baad ise install karle.

Ab torrent download karne ke liye hume ek choti si tracker file ki jaroorat hai jo aapke BitTorrent client ko ye batayegi ki torrent me kya hai aur ise kaha se download karna hai. Torrent tracker file aap kisi bhi torrent website se download kar sakte hai.

BitTorrent jadatar files ko illegally share karne ke liye popular hai, lekin mai aapko ek list me kuch esi website batata  hun jaha se aap Legal files download kar sakte hai. In websites se aap Creative Common material download kar sakte hai, jinka use free hai.